باقر الجبوري ||
أكبر كذبة نشرها المفلسون وصدقها المغفلون أثناء الانتخابات وبسببها ضاعت عشرات الالاف من الاصوات !!!
واليوم وحسب الاخبار المؤكدة فإن تصويتهم لفلان أو لفلان لمنصب رئاسة الجمهورية لايكون ( الا ) بعد متابعة العرض والطلب في مزاد البرلمان !!
يعني شگد تنطي حتى شكد تاخذ !!
معقولة !!!
نعم وما حدث اثناء التصويت لمنصب رئيس البرلمان واعتراف ( كبيرهم الذي علمهم السحر ) بالتصويت للحلبوسي خير دليل !
والله حقهم !
يعني هاي تاليها ... محاربة الفساد والمحاصصة والرشوة إنتحرت عند أول أختبار !
وعلى گولة أهلنة .. شاف ما شاف !!
المشكلة مو بالفاسد !
لاااااا ... حبيبي !
المشكلة اليوم بمن إنتخب الفاسد وروج اله على أعتبار مستقل وتاليه طلع حرامي بس كان يطير ناصي !!
واليوم طلعله جنحان وگام يطير !
يعني يريد مناصب وقصور وسفرات ودولارات وجكسارات وجزر بالكاريبي أو بجزر القمر واذا الله وفقهم أحتمال ياخذون حصص بمعامل الحديد الاوكراني !!
هاي إذا بقت حكومة باوكرانيا دولة !
الله يرحمك مام جلال لما سالوه على الانتخابات فگال لو يلغون الانتخابات هواي أحسن لان أحنة بگنة وهم يجي يوم ونشبع بس اذا تصير انتخابات ويجون ناس جدد فلازم يبوگون لحد ما يشبعون همه والي يجي وراهم هم يبوگ !!
يعني سالفة البوگ راح تستمر بعد كل انتخابات لان تجي ناس ما شايفة وتشوف !!
والله يعينك يالفقير فلا إنت صاير برلماني ومستفاد ولا إنت مستفاد من البرلماني ألي أنتخبته
أي حبيبي ... هذا زمن عيش وشوف !!
تذكرون من طبوا للبرلمان بالتكتك وطلعوا من الباب الخلفي بالجكسارات الاربيلية!
همه ذولة نوابك المستقلين والف عافية.
ـــــــ
https://telegram.me/buratha
