أكرم السياب
المُشاهد العراقي هم صاير يتمايص هواي.. وحقه لأن قبل أسبوع جان يتابع (صراع العروش) وهسه وفجأة بدون مقدمات لكه روحه يتابع (العرضحالجي)!
ومع ذلك؛ الدراما العراقية لهاي السنة أشوف أكو تحسن بيها من خلال "المواكبة" وكدرت تطلع من خانة الحزن والحرب والقتل وتصوير دور الضحية الحاير.
مثلا مسلسل #الفندق يتميز بكمية النجوم وجرأة الطرح .. من حيث دخول عالم مراكز المساج والحياة العشوائية في بغداد حلو جداً.. وإن كان بعض #التصنع بس شتسوي هاي ثيمة متلازمة للدراما العراقية ..
دائما الممثل تحسه جاي يمثل!
بس يبقى عتبنا على كروب "آل الشرقي" الي ميقبلون يطلعون من خانة الكوميديا المنسوجة من وحي النكات وقصص المنتديات المستهلكة .. مع العلم بإمكانهم يقدمون "دراما ستوديو" مثل راجل وست ستات بيها كوميديا مسلية وبيها طرح جديد.
ويبقى السؤال الأهم؛ ليش القنوات السياسية مثل دجلة وهنا بغداد والرشيد مصرين من يدخلون عالم الدراما يدخلون عن طريق #أسكتشات ممزوجة بالخلاعة والركص ؟
وبعدين انتوا يعمي جماعة الحشد بقنواتكم وفلوسكم وناسكم .. ما عدكم فلوس تنتجون دراما عن تحرير العراق؟ او مسلسل مثل #الغالبون؟
ترى كلش فشلة ..
داعش طبت وطلعت .. تاليها اجت السعودية انتجت غرابيب سود طلعت السوريات والعراقيات ميتات على جهاد النكاح ! وطلعوا الارهاب كله من الانظمة (العراقية _ السورية) .
خل نبادر بدل ما نلطم على مبادرة الآخرين!
https://telegram.me/buratha
