قاسم العجرش qasim_200@yahoo.com
هجرةعندي واحد من أرحامي القريبين كلش، مبتلين بيه بلوه، يوميه مشكلة وفصلنا عن مشكلاته مرتين، هيلكَـ ما مخلص متوسطة، عمره 27 سنة، النركيلة ما تفارك ايده، وما عنده بالصيف غير البرمودة وبالشته تراكسوت، يعني لو تجيبله قاط ابو العلمين ما يلبسه، ناقم عله كل شي، يشتم بالسياسيين جميعا، وخصوصا النواب.. يشتم بالمراجع وهو ما يعرف ايصلي..كسر بجمع سرسري، اتكِله شتريد ايكِلك اريد تعيين، أتكِله عمي انته بالثاني متوسط وما عبرته، ولا بيدك حرفه أو مهنة، وحتى حجي ماتعرف تحجي، ايكَلك شكو بيها؛ حالي حال الوزير الفلاني؛ خل يعينوني هذا حقي، اتكَله حقيش أنته جكـ من البكـ ما تعرف، أيكَلك يابه دطير..
المهم من صارت موجة الهجرة، هاجر ووصل الى ألمانيا، وهناك اشتغل بمطعم واكف 16 ساعة على شيش كص, راسلني كَتله لكَيتلك تعيين بلكي تجي للعراق، كَال شنو التعيين مالتك؟ كَتله تجي بسرعة وكَبل ما تطير الوظيفة منك، وآني ضامنها الك مية بالمية، وحتى يصدك كَتله دفعت عشر أوراق للواسطة..
بعد عدة مراسلات أقتنع وأجه..وهسه يشتغل ببغداد الجديدة، بمطعم واكف على شيش كَص...وروح ابوكم هاي كلش حقيقية..!..
عشوائياتفي مسح جديد للعشوائيات في العراق اجرته وزارة التخطيط بالتعاون مع برنامج الامم المتحدة للمستوطنات البشرية ( هبيتات)
وكانت اهم النتائج. كالاتي :
- بلغ عدد تجمعات السكن العشوائي في محافظات العراق عدا اقليم كردستان ومحافظات نينوى ، الانبار ، صلاح الدين ، ( ٣) الاف و (٦٨٧) تجمعا عشوائيا ، وكانت العاصمة بغداد هي الاعلى في عدد العشوائيات (١٠٠٠) عشوائية ، تلتها البصرة (٧٠٠) عشوائية ، فيما كانت محافظتا النجف وكربلاء الاقل في عدد التجمعات العشوائية ( ٨٩) عشوائية في كل منهما
- قُدر عدد سكان العشوائيات بموجب عدد المساكن العشوائية البالغ (٥٢٢) الف مسكن عشوائي ب(٣) ملايين و(٣٠٠) الف انسان يشكلون ما نسبته ١٣٪ من سكان العراق واحتلت بغداد النسبة الاعلى في عدد ساكني العشوائيات ٢٢٪ تلتها البصرة ١٣،٥٪
- هناك ٨٨٪ من التجمعات العشوائية نشأت في ارض تعود ملكيتها للحكومة و١٢٪ في اراض تعود ملكيتها للقطاع الخاص.
- بلغت نسبة استعمالات الارض في الجنس السكني ٢٦٪ وغير السكني ٧٤٪.
ولو تجي بعد عشرين حكومة؛ فلن تستطيع التخلص من هذه المشكلة العويصة..العشوائيات باتت مجتعات لها حياتها ومبررات وجودها، يوجد قرب المحلة التي أسكنها واحد من أكبر العشوائيات فغي بغداد، وجدت من بين سكانه حملة شهادة دكتوراه، وطبيب اسنان، وطبيبة ومهندسين وضباط شرطة، وميليشيات مسلحة وعمال وموظفين حكوميين، ومعلمين بل وقادة سياسيين محليين..
الغريب في وضع العشوائيات؛ هو كثرة المساجد والحسينيات المبنية على ارض مغصوبة، ولكنها تكاد تكون خالية من المصلين..!
قريبي الذي حدثتكم عنه في الفقرة الأولى، يسكن في إحدى العشوائيات، العائدة أرضها لوقف الكيلاني، والتي اجرها القيم على الوقف الى المتجاوزين..!.. المهم بيت قريي من الكونكريت المسلح ومطبخ سيراميك، وكهرباء ثري فيز، وسبلت وكلشي وكلاشي.. هل يمكن إزالة العشوائيات؟!
كلام قبل السلام: الصراع بين الحق والباطل؛ يقوده الحكماء والخبثاء، عامة الشعب فينقسمون بين عقلاء يقتنعون بكلام الحكماء؛ وبين سفهاء ينخدعون بأكاذيب الخبثاء..!
سلام..
https://telegram.me/buratha
