عبد الكاظم حسن الجابري
مواليد ٢٠٠٠ حقكم والي يلومكم ماعنده ضمير..لان
- لم تعيشوا او ينتج لكم مسلسل او برنامج يبين ظلم وضيم العراقيين بزمن هدام..
-لم تخبركم عشرات الفضائيات وعلى رأسها قناة الدولة ان هدام استلم السلطة وفايض الخزينة ٣٠ ملياردولار، وان الدينار يساوي ٣٢٠٠ دولار! سلمها الخزينة فارغة والعراق مطلوب ١٥٠ مليار دولار. ومابناله طابوكة وحدة..شغل الثمانينات بنته دول لغرض الدعاية لهدام وادخاله في حرب الثمان سنوات ضد ايران.ها هذا من جانت ميزانية امريكا بالمليارات مو بالترليونات مثل هسه..
-ماعشتوا ولااخبرك غبي سياسي من خلال فضائيته ان ابوك وامك اكلو " جص" بعنوان طحين، وكلو الباذنجان بالبطاطا لان البطاطا سووه زيت بالغش..وانت ايجوز رضعت طحين صفر بعنوان" حليب ديلاك"..
-ماشفتوا ولا اعلامي شريف سوالكم برنامج وثائقي ان المعلم والمدرس كام يرشيه الطالب بلفة فلافل..والموظف والموظفة يتحسر على قميص لو تنورة من البالة..وبالعيد يشبع قهر مايكدر يشريلك ولا لاخوتك ملابس عيد..
-ماشفتوا ولا فنان وطني سوالكم مسرحية على قتل الاطفال من اعماركم في مستشفيات الاطفال حتى يسوولهم تشييع جماعي لغرض الاعلام..
- ماشفتو ولا سياسي شريف حجالكم على حفلات عدي وقصي الماجنة وامتناع الاسر البغدادية من الخروج الى الشوارع خاصة في المنصور والكرادة خوفا منهم ومن حماياتهم ان يخطفوا بناتهم لينتهكوها..
- ماشفتوا كيف ربى صدام الدشاديش الكصيرة والعمايم المزيفه بحملته الايمانية تمهيدا لليوم...
وهواي ماشفتوا ولا سولفولكم الحقيقة...
سمعتوا من الناشطين والناشطات" العنوان الجديد للبعث وكل انحراف" ومنظمات المجتمع المدني الذي اسستها جيوش البعث ووكلاء الامن والمخابرات والاستخبارات والامن العام والخاص والفدائيين... انتم ماسمعتوا بس من الجزيرة والعربية وانور الحمداني والبشير شو واحمد ملا طلال...
انتم حتى فضايح الارهاب محد فضحها حتى تعرفوها من مسرحية" صابرين الجنابي" للضاري والهاشمي الى سبايكر..
حقكم تظاهروا اشتموا طبقة تتاجر بالسياسة لم تعرف كيف تحكم وتقود وتعري اعدائها..طبقة سياسية اصابها شبق السلطة فنست واجبها وتكليفها...
https://telegram.me/buratha
