( شعر :أبو أحمد الحداد المسعودي )
شِبحَتْ لِلمَدينَه عيُونَه الملكاكْ نِقرَه إويَه الأجندَه إشوَكِتْ ميلادَكْ !
أبو محمَد نريد إبجيتَكْ نِنخاكْ يانسل ِالإمامَه وعِصمَة إمرادَكْ
تِلكَه إبكُلْ صلاه جفوفنَه تِنشالْ تدعي وتِندِبْ المعبُودْ بنفاسَكْ
كَبرَكْ طايحَه الجدرانْ بسْ الكاعْ مِتوَسدَه إبضمانْ إتجاوُرْ أجدادَكْ
نُصبُر مِنْ نِشُوفْ كبُوركُم تِربانْ وطيُور الحَمام إويانَه زوارَكْ
عين إعلَه البقيعْ وعين يِسرَه إتميلْ تِصِد بيها المَنارَه إنشاهِدْ أبعادَكْ
إنته إبن ِ الوصي الكرار داحي الباب وإنته إبن ِالنبي المُختار بإمجادَكْ
أمَكْ لِلمَجدْ تاريخ رُكن الدينْ فِحِتْ مِسْكِ العبير وفاحَتْ أورادَكْ
أشوفكْ كُلْ وَكِتْ بحسين أبو الأحرار مِنهاجَكْ ولايَه إبكربلَه إنشادَكْ
صُوتَكْ بالعقيله يصارعْ الظلامْ مِنْ أجل ِالرساله إيذيعْ مِرسالكْ
مُو صُلح ِالكتبتَه هناكْ خانُو بيه دستُور الإمامَه أشراف كِتابَكْ
إذا نيّت عُذرهُم قادها الشيطانْ عار إعله النِكرها وعار حِسادَكْ
طُز إبكُلْ لعين أحفادَه هذا وذاكْ مابيهُم شريف وفدوَه لِمداسَكْ............................................................
كُلْ وكتِ الشِعرْ أبياتَه تحجي إبرُوح والشاعِر رَبابَه بصُوتَه يقراها
ينظم بالقوافي إميز ِنْ الجلماتْ يغنيها بولاءَه إبدَمَه مَلكاها
لِئنْ تِدري الشعِرْ مَنظُومَه مُو تصفيط ْ يعني إبكُلْ شطُرْ مَكتوبْ مَعناها
إذا جانْ الشعِرْ أبياتَه لأهلِ البيتْ كُلْ حرفْ التِسمعَه إمثبتْ إبجاها
هنياله الظِمَنْ آخرته بسم ِالدينْ بجفوفه القلَمْ بلسانه قفاها
هذوله أهل ِ العِلِمْ والجار بيهُم فاز طاعتهُمْ فرُضْ والباري عَلاها
صلي إنته إبشهاده وأذنْ إبإيمان وإركَعْ لِلسجُودْ إتماشه وَياها
علي إوذانَكْ يظلْ وياكْ لاتنساه ولاتنسى الوَديعه النبي رَباها
شيعي إنته وموالي بجنةِ الفردوسْ تضمنها إبوَلائكْ حينْ تِلكاها
تمُوج إنته إبسَفينه إشراعها الكرارْ تِبحِرْ مايهمْها إبجَفه مَسراها!
تمت ولله الحمدهولنده
https://telegram.me/buratha
