شعر/ ترانيم الجمعة الحزينة

  ضحى الخالدي||   لازم اكتبلك قصيدة لازم اكتبلك شِعِرْ و منين اجيب لْشَلعةْ عيونك قوافي محتاجة اكتبلك نهَر و عن الأصابع و الحبل  محتاجة صايغ و چلمات من ضي الگُمَر*.      و اكتب عَلى راية مُحمد بالدماء إشهَدْ يا إمامي المنتظَرْ و يكفيني زينب حاضرة و حسين وياها حِضَرْ ••••••••••••••••••• طوعة صحّت بالعلَم لچن ما صحّت بميسان طوعة يلچنّك جبل بيه نار  يا وردة حشد من الهرش مگطوعة يا أطيب عطر من الجنان يفوح ما عنده بخت ليفرّط بضوعه يا أترف حزن من ناي الگصب يترهدنْ دِلِّلول الولد آنه امك المفجوعة يا ابيض وجه و الگلب و التاريخ يا صفحة بكتاب الفخر منزوعة يا شيلة و شرف و عگال يَچلمة مهيّلة بديوان مسموعة و يا فزعة گمر لحسين خلَّتْ ألف من اثنين مفزوعة  تربية المراجع و النعم من الحيد  هذا ابن الصدر للصدر مرجوعه ترى نهج الولي مو نهج للغمّان مو ياهو اليجي يصرّح بموضوعه ...وسفة وسفة توليه الجهالة بليل  و يدوسه الشمر و يكسّر ضلوعه مسلوب الردا ، و تگول چنّه حسين ناس الغدرته  متگللي يا شيعة و اذا مسلم غريب الدار او تِسِحْلَه اعداه وسام بديرِتَه و دروبه مگطوعة سجِّل ... يا أيها التاريخ  يا أغبر وعَد  ، و احداثه مرفوعة و خل القلم  و القرطاس  من بدلة وسام تصير مصنوعة و حبرك .. تراب السواتر و الدِّما إييييه. ....اكتب بلوعة هذا اليوم فرحت بيه  آل زياد  هذا اليوم شفت الزهرة موجوعة من شافت ضباع الكفر تتحلّب دما  عالإسعاف مجموعة هذا اليوم قابيل انتصر لابليس  و الفاتورة مدفوعة لأن سيف الشهيد بحلگ اسرائيل  خلّى من الغصص روعة لأن بسطال الشهيد بگصّة الاٍرهاب لسّه اثاره مطبوعة اكتب اكتب يا قلم يا تاريخ  صدگ هاي الناس مخدوعة ؟! يا وسفة انوليت بليل مِنْ غمّان چَنْ نجمة و هُوَتْ ...  من صدر السِّما مشلوعة الهور التشيَّم بيچ يا ميسان هذا اليوم حَط شيله و تكتّر ؛ خنگته دموعه  إيييه يَعمارة العتب وياچ موش يفيد  شيفيد العتَب و الخوّة مبيوعة يا تيه الخَذاكُم چَنْ بني اسرائيل عبّادة عِجِلْ ، و لهارون ..ما قبلت تطيعه يگلْهُم يا أخوُتي اتقوا ..للخالق المعبود  و يگللوله عدنا ويا الشمر بيعة وسفة  وسفة و يا الف حيف و حسافة و عيب من تلگى النَّفِل بِدْيارَه تَضْييعَه  وسفة الذاكرة مثقوبة يا هالناس قلعتكم حشد .. چا يمته الشعب يوعَه (يوعى) وسفة و يا الف وسفة  طوعة صحّت بالعلَم  لَچن ما صحَّتْ بالگصب طوعة طوعة صحّت بالعلَم  لچن ما صحّت بميسان طوعة •••••••••••••••••••••••••••• و گولولها .. گولولها من ترگص على دم الشهيد بهيده هيده لا تلزم جروح البيه ..  لا تلچم وريده  گولولها ... لا تِدْبِچ على صوابه حار بيش يحير ؟! يلزم صوابه بأيد ؟  لو يسند وطن ؟ يغطّيچ بِيده ؟! چم صواب اعدد شرحي يطول تعديده الطلق و الطابوگ و الدخان و جرح الحبل و الإسعاف و الشابگ عضيده يا وطن هذا اليوم شمتان بصناديده ؟! يا شيعي هذا اليوم يشبع ردح لِيْزيده ؟! گولولها  ترگص هَدَه بهاليوم هاي موش الشام ، و تِطُبْ زينب وحيدة چَنْ اول صُفَر و رماح شالَتْ روس و اعلنها يزيد أفراح شامت عيَّد بعِيدَه