تم افتتاح الموقع كوكالة عراقية مستقلة بتاريخ 1 آذار 2006، الوكالة لا تتبع او تمثل أي حزب سياسي و لا تتبع مسجد براثا المقالات التي تنشر في الموقع تعبر عن رأي أصحابها و لا تعبر عن رأي الوكالة بالضرورة
13/03/2010م - 3:28 م | عدد القراء: 504
هشام حيدر
استاد جاسم... هكذا تعارف الجميع على مناداة جاسم المعلم القديم سواء في قريته او مدرسته النائية في احدى قرى اطراف سوق الشيوخ !
يعرفه الكثير من المجاهدين زمن الطاغية حيث كان كمعظم اهالي المنطقة متعاطفا متعاونا معهم ضد زمرة العفالقة!
وصلت به الامور في التسعينات ان يحضر الى المدرسة في احد الايام بالدشداشة والنعال لان المطر لم ينقطع ولم يكن بنطاله الممزق الوحيد قد نشف بعد , وسط ضحك بعض الطلبة الذين كان بعضهم حفاة اصلا واخرون شدوا الحذاء الممزق بـ(واير) واخرون حسموا الموضوع بـ(جوبلس)!!
(استاد)جاسم الذي كان يستضيف الكثير من (جماعة الفيلق) في بيته انتهى به الامر الى ان يصبح واحدا من اعضاء (مجالس الاسناد)!
يقول(كاعد ببيتي ويودون عليه بالسنة حسنة بالمناسبات....وفوك الراتب عينت واحد من( الفروخ) وتلاثة من عمامي بالشرطة)!!
(استاد جاسم) كغيره من المعلمين والمدرسين اصبحوا كوادر تابعة للمفوضية في الانتخابات الماضية والاخيرة واصبح مدير المدرسة زميله في الاسناد مديرا للمركز الانتخابي اما هو فكانت حصته ..مدير محطة !
(استاد جاسم) يعرف عني منذ التسعينات تعاطفا مع (جماعة ابوفرقان)-جناح تابع للدعوة تنظيم العراق- على حساب (جماعة الفيلق) الذين كنت اسمع عنهم من معارفي الكثير وظل صديقي استاد جاسم يعتقد بقائي على نفس التوجه فاسرني بالامس يوم حضرت (مشية) بصحبته ....قال:
(قالوا انت مدير محطة.. ووادمكم (اهل منطقتكم) اكثرهه ماتقرة وتكتب... راح يجي لمدير المحطة يكله انتخبلي فلان.... والوادم غشمه وخوف (يضحك) عليهم المجلس وتقشمرهم الفرات (وكل الشعب وياك ياسيد علي) وترة المرجعية جذب مو وي واحد بالعكس تفضل الحجي على الكل.. انته لازم تسويهه (لله) وشيكلك الناخب كله أي...وتاشر على جماعتنه قربتن! الى الله ...واخوك ماقصرت بعد شتريد)!!!
سالته (منو بلغكم بهذا؟ اشو احنه مابلغونه؟)
قال (كالوا انتم منطقتكم قافلله علفيلق من كبل وادمكم بعدهي بسوالف كبل)!
المدير (والكلام له) جان بالولاية (مركز المحافظة)..ومجتمع بحجي حسن والشيخ ابو (ز) وجابلنه جم بشارة وعدونه بيهه اذا الله عداهه على خير)!
سالته (بشرفك استاد جاسم)....(جم صوت -حصلنه- بهاي الطريقة)؟
قال (والله وداعتك كلش هواي....بس ! شوية تعذرني بشغلة)!!!
- خير ؟ شنو ؟؟
قال استاد جاسم... ( ماادري سمعوا؟ ماادري يدرون اصلا.... خابرني ابو زهراء..صديج عتيج...ماتعرفه..من جماعة الفيلق... كال ابو محمد بذمتك..
الناس ماتقره وتكتب وسمعت اكو منا منا ها !.... جماعتكم خلي شوية يخلون الله بين عيونهم وينصفون ويحللون خبزتهم)!
تريد الصدك ؟(والكلام لازال لاستاد جاسم)... حجايته عورتني...وظلت تدك بكلبي .... اخوك ماكلت باطل...كمت واحد ااشرله لجماعتنه وواحد اطيه على هواه مثل مايريد)!! ولو بعدين عاتبني المدير ... كال شلقصة هجي اصوات طالعه بمحطتك للجماعة؟ جا احنه شسولفنه؟)!!
ضمير استاد جاسم عمل هنا بصورة متناوبة ..ذبذبة تصعد واخرى تنزل !!
ضمير متناوب يعني !!
ولاادري كم مدير محطة عمل ضميره بصورة مستمرة ؟؟
وكم مدير محطة كان ضميره... متناوبا ؟؟
وكم مدير محطة كان... بلاضمير؟!
وكم مدير مفوضية باع ضميره منذ زمن بقطعة ارض متميزة..... في الوزيرية ..؟؟
هشام حيدر
الناصرية
التعليقات المنشورة لا تعبر بالضرورة عن رأي ادارة الموقعالتعليقات « 2»
| 
والفقر يهـــدم بيت العز والادب
بعد تحوير بيت الشعر المعروف.. اخي استاذ هشام قليل من يطلب الاخره في زماننا الرديء هذا فهنيئا لمن ترك زخرف الدنيا وطلب مرضاة الله سبحانه وياويلك ياستاد جاسم الا يوم القيامه يصلخونك وتشتغل النعل على علباتك واذاناتك .. مقدمه المقال احترمت جاسم بس من لعب بذيله لعبت روحي منه