|
لا يوجد تصويتات جارية!
|  المقالات التي تنشر في الموقع تعبر عن رأي أصحابها و لا تعبر عن رأي الوكالة بالضرورة
» الشعر
 
12/02/2010م - 8:28 م | عدد القراء: 1083
أبو أحمد الحداد المسعودي جَمْ ألفْ إندفنْ لو تنحسبْ الأجسادْ ...... اوجَمْ عَينْ إنطفتْ وإنحركَتْ إبدُ خانْ !؟ وجَم طفلْ إنخنكْ بَعمارهُمْ الوروُدْ..... وإعصابه التشدْ إحلوكْ .. للنسوانْ !؟ حاجيني بَعَدْ ... يانكرَة السَلمانْ !؟ مَحاكمنه غدَة كُلْ ليله عَلْ المَكشوفْ .... والظيم إنخبَز بشفافنه خجلانْ يعني الي دفنهُمْ بالمَحاكمْ جايْ .... وإسمَه إويه الجَريمه إملطخه إبعنوانْ بعثي إبرُتبته تنظيمه رُكعَه إوياه ..... رفيق إمن الصُغرْ ومدَكدَكْ .. إبنيشانْ إبكُلْ هاي العلايّم كابعه إتغطيه ..... ولاجَنهُمْ بشرْ .. حظ وبختْ هلكانْ حاجيني بَعَدْ ... يانكرَة السَلمانْ !؟ منْ إبعيدْ عَيني وإذني عَلْ التلفازْ ..... وَأطنانْ السُوالفْ لبّسَتني أحزانْ طفتْ بيها إبخيا ليْ ورَدَتْ الأيامْ .....وَأزور آنه (الحفيرَه ) إجبيرَه بالكيعانْ شفتْ إسرابْ غاركْ بالرَمُلْ يبجيْ ..... وبْجُوله ا لتوَنوّنْ صُوتها إبأشجانْ يَعني الكُلْ شهيدْ آثارْ بالتربانْ .... صُوَرهُمْ بالصَحاري إنرسْمَتْ إبألوانْ حاجيني بَعَدْ ... يانكرَة السَلمانْ !؟
وآلافْ الضحايه أكرادْ فيليينْ .... طمُوهُمْ ولاجَنهُم سُلاله إتعايشْ الإنسانْ !؟ كُلْ رجلْ إبحَبلْ وصلوها حتى إتمُوتْ .... وبدَفعه الضَحايه إتغوصْ بالتربانْ !! عَدليينْ إبحفيرَه إتشوفهُمْ جُوكاتْ .... وإترابْ اليغطي أجسادهُمْ جُوعانْ عَله مُودْ الرئيسْ وزمرته إيعيشونْ ..... نتذبَحْ شعَبْ .. وإتشوفنه الجيرانْ !! عَله يا دينْ هالطاغيْ القتلْ هاالناسْ ..... كُلي إبيا شريعه ... إتشرّعْ الطغيانْ
والقاضي الحَكَمْ والقلمْ هُوَ السيفْ ..... والنصْ إبيَمينه ... إنطبَعْ بالقرآنْ ذاكْ إبنْ اللقيط الي إنحُكَمْ بعدامْ .... وذوله أولادْ هندْ وزمرة الشيطانْ كُلهُم فد سُلاله الشمر وإبنْ إزياد ْ...... وإبنْ مُلجَمْ أبُوهُمْ منْ إبنْ سُفيانْ
كُلْ جسم التفسخه الكاعْ يحجي إبرُوحْ ..... ويحَشمَكْ يبُو الغيرَه العَدلْ ميزانْ ! بعظام الضحايه إنأرخ الي صارْ ..... او منْ دَمهُمْ حبر لقلامنه ولسانْ نطبعْ كُلْ صُورهُمْ عَلْ الرَمُلْ عَلْ الكاعْ .... او نحفظ ْ كُلْ إسم منهُمْ رمز شجعانْ ونسُولفْ مَجدهُمْ صَبُرْ عاش إدهورْ .... ونخلدْ ذكرهُمْ ... للزمَنْ عرفانْ
وَأصيحَنْ ياعراقْ إوياكْ تنبُض ْروحْ ..... وَأهتفْ لليّحبْ الوَطنْ صُوتي إوذانْ عراقي آنه ومُوالي وإسمي بالتاريخْ ..... بأطيافْ الوَطنْ تتعايشْ .. الخلانْ يهتفْ كُلْ وجودي المُوتْ للظلامْ ..... ونوَحّدْ شعبنه ( البعثْ ) ماله إمجانْ أسَمعجْ منتصرْ ... يانكرَة السَلمانْ !!
التعليقات المنشورة لا تعبر بالضرورة عن رأي ادارة الموقعالتعليقات «1» |
مولاي بارك الله جهودكم صورت الاحداث واجدت ..و صرخة كل مظلوم وبكاء الارامل ونحيب الايتام وحنين المهجرين تجلت في كلماتك ..خالص الدعاء لشخصكم ولكل الغيارى من شيعة علي