كتبت و القيت هذه القصيدة في أول شعبان بعد سقوط الطاغية صدام و اعوانه. ليلة الخامس عشر من شعبان .

مولد نرجس الليلة..يفوح بعطر من جده.
يكفكف دمعة الزهرة...بجفوفة وعزم من عنده.
تلكه العلم من عباس...
من كطعوا جفوفة و ما قبل ينطيه و يهده.
و حسين الشبك طفلة..
...و ذبة بحظن مهدي و كال..اريد الثار من عنده.
مهدي الثار ما ينسا..و دومة الوافي بوعده.
مهدي الراح يخلي الارض كلهه( فدك)..مو بس فدك لب(جده)
و يقدم هديته الفاطمة التتناه من زمان و تعده.
بغصن من الصدر أخضر..و من بيوتهم عطرة و شيم ورده.
ومن اخت الصدر كدام يزيد..
جبال امن الصبر ..وي زينب الحوراء متوحده.
و بغصن من الحكيم يلوك..لجفين الولاية بكبة الكرار منشده.
فرع واحد ..وصل واحد...حسن و حسين اصلهم حيدر الكرار..
ليش تريد تعزل غصنك المحسود و تهده.
خلي نشيل تاج حسين..بجف كلوبنه التهواه و توده.
و نتحزم حزام من البطل كرار ونشيده.
يظل حسين وشمة شرف فوك جبين كل مسلم..
و فوك جبين من يريده و يكصده.
ويظل كل طاغي بالتاريخ وصمة عار ..فوك جبين خدامة..
الجانت تفتخر بفعالة و تعبده.
و غصبن علي ما يرضون تاج حسين عالي و محد يحده.
وينه الكال انه حسين و انت حسين..
ظل ذكره يكومة العار و يكعده.
او وينه الكال جدي حيدر الكرار..بنفاق و دجل من عنده.
خل يطلع و خلي يشوف...
الكبر ( بم الطبول )انزار..؟ لو كربله المحتشده..
وتسهر لصبح فرحانة و معيده..
وتسهر لصبح فرحانه و معيده.

ابوسجادالمنصور---البصرة
كتبت في 11/10/2003
الخامس عشر من شعبان