أقسم بيسارك ويمينك ـ ـ ـ ـ والخوه أللي بيني وبينك
يا كـفالي- يا عباس
راسك عالي -- يا عباس
أجـفـوف أخـتـك فـــدوه لـجـفـيـنـك
*** (1)***
حيدر لمن باس أجفوفك ـ ـ ـ ـ جنه بيوم ألطف ايشوفك
لحسين أمسجل معروفك
مرخص روحـك - يا عباس
وكـثـره أجـروحـك- يا عـباس
أجـفـوف أخـتـك فــدوه لـجـفـيـنـك
***(2)***
كل جف من أجفوفك رايه------ ينصر دين الباري الغايه
والزهره ألتوكف شجايه
يـوم المحشر-- يا عـباس
لـيـش أمـبـتـر --- يا عـباس
أجـفـوف أخـتـك فـــدوه لـجـفـيـنـك
***(3)***
بس أنته ألوفيت ألخوه----- صاحب غيره وصاحب نخوه
أنته ألجنت ألزينب سلوه
بـيـك أتـشـيـم -- يا عـباس
وتـزيـل ألـهـم ---- يا عـباس
أجـفـوف أخـتـك فــدوه لـجـفـيـنـك
***(4)***
نعم ألاخ ألطايع لخته --- ومـن دون أخوتهه اختارته
أمدللهه بسيفه وبخته
أمواعد حيدر – يا عباس
تـحـمي الخـدر – يا عباس
أجـفـوف أخـتـك فـــدوه لـجـفـيـنـك
***(5)***
أنته ألليث وضنوة حيدر --- ومحد يوصل حدك يكدر
هذا ألصار من الله أمكدر
عـذرك عـنـدك – يا عـباس
جـف مـا عـنـدك ـــ يا عـباس
أجــفـوف أخـتـك فــــدوه لـجـفـيـنـك
**(6)***
ضنوك أنته أتعوف حسين ---- لاجن هوه أيعرفك زين
بالجف تفديه وبالعين
أترخص عينك – يا عباس
وكــل أسـنـيـنـك -- يا عـباس
أجـفـوف اخـتـك فـــدوه لـجـفــيـنـك
***(7)***
رخصت أعيالك وخوانك ---- عالي ومن يكدر طوفانك
امك تتباها بعنوانك
أمك حره --- يا عباس
ونعم ألدره ----- يا عباس
أجـفـوف أخـتـك فـــدوه لـجـفـيـنـك
***(8)***
ناديت ولبيت أنداي --- وبسيفك ذليت أعداي
يوم ألسابع جبت ألماي
عدك سهله ---- يا عباس
ألماي وحمله ---- يا عباس
أجفـوف أخـتـك فـــدوه لـجـفـيـنـك
***(9)***
أكعد حيدر بويه وشوف ---- شبلك طاح بغير أجفوف
ومن طاح آنه أعرفت الخوف
صحت بصوتي – يا عباس
كبلك موتي – يا عباس
أجـفـوف أخـتـك فـــدوه لـجـفـيـنـك نسألكم الدعاء